曾蔭權○五年當選特首，他家鄉佛山南海市九江鎮新基村的鄉親，表現非常高興，稱覺得好似村內有人中狀元般，更形容曾蔭權是該村數百年來最威水的人物。今次他因涉貪官司搞到一身蟻，《壹》仔再去他的家鄉直擊，發現大部分村民原來對他已經漠不關心。 一名六旬男鄉親直言：「佢依家俾人告，佢告佢嘅事，唔關我哋事。反正佢貪幾多，或者佢唔貪，佢係個清官，都唔關我地事。」 不少鄉親表明沒留意曾蔭權近況，更指：「不如留意下共產黨係咩近況好過。年老嘅，留意社保問題呀，各方面問題；後生嘅，留意下共產黨嗰啲，人民幣升值呀各方面，做野呀各方面嘅問題，唔會話留意佢太多嘢。」 對於曾蔭權被判罪成，怕不怕有辱鄉親名聲呢？鄉親答得很直接：「冇，佢有佢（嘅事）啫，冇理由諸九族㗎嘛，係咪呀。」 撰文：李啟發 攝錄：莫智謙 【由特首到身敗名裂●曾蔭權一生起跌】打開連結，點擊下方圖標，或向右掃，跟時序看曾蔭權起伏一生。 http://bit.ly/2lGRMzT 壹週Plus : http://hk.next.nextmedia.com 即 like 壹週Plus fb : http://www.facebook.com/nextmagazinefansclub